പാഠം 2
എല്ലാം ദൈവം സൃഷ്ടിച്ചു
ക. കുട്ടികള് സ്വന്തമാക്കേണ്ടവ
1. ബോധ്യങ്ങള്
എല്ലാം ദൈവം സൃഷ്ടിച്ചു. ഇല്ലായ്മയില് നിന്നാണ് ദൈവം എല്ലാം സൃഷ്ടിച്ചത്.
2. മനോഭാവങ്ങള്
സര്വ്വശക്തനായ ദൈവത്തില് ഞാന് ആശ്രയിക്കും.
3. ശീലങ്ങള്
ഓരോ സൃഷ്ടിയേയും ദര്ശിക്കുമ്പോള് സ്രഷ്ടാവായ ദൈവമേ, ഞാനങ്ങയെ സ്തുതിക്കുന്നു എന്ന് മനസ്സില് ഉരുവിടും.
കക. ബോധനോപാധികള്
- വിവിധ സൃഷ്ടവസ്തുക്കളുടെ പടം വരച്ചചാര്ട്ട്, കടലാസ് വഞ്ചി, മുത്തുമാല.
- സമ്പൂര്ണ്ണ ബൈബിള്.
കകക. പാഠാവതരണം
മനോഹരമായ പ്രപഞ്ചത്തെ നോക്കിക്കണ്ട കുട്ടി, ദൈവമാണ് എല്ലാം സൃഷ്ടിച്ചത് എന്ന അനുഭവതലത്തിലെത്തിച്ചേരുകയാണ് ഈ പാഠത്തിന്റെ ലക്ഷ്യം. ദൈവം ഇല്ലായ്മയില് നിന്ന് എല്ലാം സൃഷ്ടിച്ചു എന്ന ബോധ്യത്തിലേയ്ക്ക് കുട്ടിയെ നയിക്കാന്, കടലാസില്ലാത്ത കടലാസുവഞ്ചി നമുക്കുണ്ടാക്കാനാവില്ലെന്നും മുത്തില്ലാതെ മുത്തുമാലയ്ക്ക് രൂപം കൊടുക്കാനാവില്ല എന്നും ഉദാഹരണത്തിലൂടെ വ്യക്തമാക്കിക്കൊടുക്കണം. ഒന്നുമില്ലാത്ത അവസ്ഥയില് നിന്ന് സൃഷ്ടിക്കാന് ദൈവത്തിന് മാത്രമേ കഴിയൂ. ഉല്പത്തി 1-ാം അദ്ധ്യായം 1 മുതല് 25 വരെയുള്ള വാക്യങ്ങള് നിര്ത്തി നിര്ത്തി കുട്ടികളെ വായിച്ചു കേള്പ്പിക്കുന്നത് നന്നായിരിക്കും.
കഢ. പാഠബന്ധിത പ്രവര്ത്തനങ്ങള്
1. നിറം കൊടുക്കാം
പൂവ്, മരം, സൂര്യന് ഇവയ്ക്ക് അനുയോജ്യമായ നിറം കൊടുക്കാന് കുട്ടികളെ സഹായിക്കണം.
2. ഏറ്റു ചൊല്ലാം
ചെറിയ ചെറിയ പദങ്ങളാക്കി ചൊല്ലിക്കൊടുക്കാം. കുട്ടികളില് ചിലരെക്കൊണ്ടും ഏറ്റുചൊല്ലിക്കുന്നത് നന്നായിരിക്കും.
3. കൈകള് കൂപ്പാം
കുട്ടികളുടെ സഹകരണത്തോടെ അവര്ക്കു പരിചിതമായ ജീവജാലങ്ങളുടെ പേരുകള് പറയിപ്പിച്ചശേഷം ഈ ജീവജാലങ്ങളോടു ചേര്ന്ന് ദൈവത്തെ സ്തുതിക്കുവാന് കുട്ടികളെ ക്ഷണിക്കാം. പ്രാര്ത്ഥന ചെറിയ വാചകങ്ങളാക്കി ചൊല്ലിക്കൊടുക്കുക.
4. കുത്തുകള് യോജിപ്പിക്കാം
കുത്തുകള് ശ്രദ്ധയോടെ യോജിപ്പിക്കുവാന് കുട്ടികളെ സഹായിക്കേണ്ടതാണ്.
5. മനഃപാഠമാക്കാം
ബൈബിളിലെ ഉല്പത്തിപ്പുസ്തകം കുട്ടികളെ കാണിച്ചതിനുശേഷം ദൈവവചനം ഹൃദിസ്ഥമാക്കുന്നത് അഭികാമ്യമാണ്.
ഢ. അനുബന്ധിത പ്രവര്ത്തനങ്ങള്
1. ചാര്ട്ടു നിര്മ്മാണം
കുട്ടികള് കൊണ്ടുവരുന്ന ചിത്രങ്ങള് ഉപയോഗിച്ച് ദൈവം സൃഷ്ടിച്ചവയുടെ ചിത്രച്ചാര്ട്ടു നിര്മ്മിക്കാം.
2. മാതൃക നിര്മ്മിക്കല്
ദൈവം ഇല്ലായ്മയില് നിന്ന് എല്ലാം സൃഷ്ടിച്ചു എന്ന ബോധ്യത്തിലേക്ക് കുട്ടികളെ നയിക്കാന് കടലാസ്കൊണ്ട് വഞ്ചി, വിശറി, മൃഗങ്ങള് എന്നിവ ഉണ്ടാക്കാവുന്നതാണ്.
3. അഭിനയിക്കം
ദൈവത്തിന്റെ സൃഷ്ടികര്മ്മം അഭിനയിക്കുന്നത് നന്നായിരിക്കും.
4. കഥ പറയാം
സൃഷ്ടികര്മ്മം കഥാരൂപത്തില് പറഞ്ഞുകൊടുക്കുകയും കഥ ആവര്ത്തിക്കുവാന് കുട്ടികള്ക്ക് അവസരം നല്കുകയും ചെയ്യാം.
5. ചോദ്യങ്ങള്
1. എല്ലാം സൃഷ്ടിച്ചത് ആരാണ്?
2. ആദിയില് ദൈവം എന്തെല്ലാം സൃഷ്ടിച്ചു?
3. ആകാശത്തില് കാണുന്ന സൃഷ്ടവസ്തുക്കള് ഏവ?
4. ദൈവം എങ്ങനെയാണ് എല്ലാം സൃഷ്ടിച്ചത്?
