പാഠം 5
രക്ഷയ്ക്കു വഴിയൊരുക്കുന്ന ദൈവം
ക. കുട്ടികള് സ്വന്തമാക്കേണ്ടത്
ബോധ്യങ്ങള്
1. പാപികളെയും സ്നേഹിക്കുന്നവനാണ് ദൈവം.
2. പാപികളെ രക്ഷിക്കാന് ദൈവം തന്നെ വഴിയൊരുക്കും.
3. ഇസ്രായേല് എന്നാല് ദൈവത്തിന്റെ ജനം എന്നാണര്ത്ഥം.
മനോഭാവങ്ങള്
1. നമ്മുടെ ജീവിതത്തില് തെറ്റുകള് വന്നാലും നാം ദൈവ ത്തിന്റെ മക്കള് തന്നെയാണ്.
2. ദൈവം ഒരിക്കലും നമ്മെ കൈവിടുകയില്ല.
3. ദൈവത്തിന്റെ പദ്ധതികളോട് നാം സഹകരിക്കണം.
ശീലങ്ങള്:
1. തെറ്റുചെയ്താല് ദൈവത്തോട് മാപ്പുചോദിക്കും.
2. ആരെയെങ്കിലും വേദനിപ്പിച്ചാല് അവരോട് മാപ്പു ചോദിക്കും.
3. ആരെങ്കിലും എന്നോട് തെറ്റുചെയ്താല് അവരോട് ക്ഷമിക്കും.
കക. ബോധനോപാധികള്
സമ്പൂര്ണ്ണ ബൈബിള്, 'ഇസ്രായേല്' എന്നു തുടങ്ങുന്ന ഭക്തിഗാനങ്ങള് അബ്രാഹം മുതല് മോശവരെയുള്ളവരുടെ ചിത്രങ്ങള്.
കകക. പാഠാവതരണം
വീട്ടില് വച്ച് തെറ്റു ചെയ്താല് മാതാപിതാക്കള് എന്തുചെയ്യും? സ്കൂളില് വച്ചാണെങ്കില് അധ്യാപകര് എന്തുചെയ്യും? ശിക്ഷിക്കും. അതു കഴിഞ്ഞാല് വെറുക്കുമോ? ഉപേക്ഷിക്കുമോ?
കുട്ടികള് ഉത്തരം പറയട്ടെ. അവ ക്രോഡീകരിച്ച് ക്ഷമിക്കുന്ന സ്നേഹത്തിലേയ്ക്ക് നയിക്കണം. തുടര്ന്ന് പാഠം അവതരിപ്പിക്കാം. പാഠാവതരണത്തിന്റെ വിവിധ സന്ദര്ഭങ്ങളില് അബ്രാഹം മുതലുള്ളവരുടെ ചിത്രങ്ങള് കാണിക്കാം.
കഢ. പാഠബന്ധിത പ്രവര്ത്തനങ്ങള്
ഉത്തരം കണ്ടെത്താം
1. ദൈവം പറഞ്ഞതനുസരിച്ച് അബ്രാഹം കാനാന് ദേശത്താണ് താമസമാക്കിയത്.
2. അബ്രാഹത്തിന്റെ പുത്രന്റെ പേര് ഇസഹാക്ക് എന്നാണ്.
3. ഇസ്രായേല് എന്ന വാക്കിന്റെ അര്ത്ഥം ദൈവത്തിന്റെ സ്വന്തം ജനം എന്നാണ്.
കടങ്കഥ
ഉത്തരം കണ്ടെത്താന് കുട്ടികളെ പ്രോത്സാഹിപ്പിക്കണം. ബൈബിള് ഭാഗം വായിച്ചു കേള്പ്പിക്കണം.
ഉത്തരം : അബ്രാഹം
കണ്ടെത്താം കളിക്കാം
1. അബ്രാഹം
2. ഈശോ
3. ഹാരാന്
4. പന്ത്രണ്ട്
മുദ്രാവാക്യം ഏറ്റു ചൊല്ലാം
പാഠപുസ്തകത്തിലുള്ള മുദ്രാവാക്യം ഉറക്കെ ഏറ്റുവിളിക്കാന് അവസരം കൊടുക്കണം. പിന്നീട് അതുപോലുള്ളവ നിര്മ്മിക്കാന് ആവശ്യപ്പെടണം. പ്രാസഭംഗിയുള്ള വാക്കുകള് അടുക്കിവച്ച്, ആശയവും ശരിയായാല് മുദ്രാവാക്യമായി. കുട്ടികള് നിര്മ്മിക്കുന്ന മുദ്രാവാക്യങ്ങളില് ചെറിയ തിരുത്തലുകള് ആവശ്യമെങ്കില് ചെയ്യാം.
മാതൃക:
1. ദൈവം നമ്മുടെ താതന്,
സ്വര്ഗ്ഗം നമ്മുടെ വീട്
2. നമ്മള് ദൈവമക്കള്,
യേശുവിന്റെ കൂട്ടുകാര്
3. സ്വര്ഗ്ഗം നമ്മുടെ ലക്ഷ്യം,
യേശു നമ്മുടെ നേതാവ്
ഢ. അനുബന്ധിത പ്രവര്ത്തനങ്ങള്
1. കഥകള് കഥകള്
അബ്രാഹം-ഇസഹാക്ക്-യാക്കോബ്-ജോസഫ് എന്നിങ്ങനെ നീളുന്ന പരമ്പരയില് രസകരങ്ങളായ അനേകം കഥകളും കഥാസന്ദര്ഭങ്ങളുമുണ്ട്. ഏസാവിന്റെ പായസക്കൊതി, അനുഗ്രഹം വാങ്ങുന്ന യാക്കോബ്, ജോസഫിന്റെ സ്വപ്നങ്ങള്.... ഇതെല്ലാം കുട്ടികള്ക്ക് വര്ണ്ണിച്ചുകൊടുക്കുന്നത് ഉപകാരപ്രദമായിരിക്കും. ഉചിതമായ ചിത്രങ്ങളും കാണിക്കണം.
2. ഗാനവേദി
ഇസ്രായേല് എന്ന വാക്കു ചേര്ത്തുള്ള ഭക്തിഗാനങ്ങള് കുട്ടികള് കേട്ടിട്ടുണ്ടാവും. അവ ഏതൊക്കെയെന്ന് അന്വേഷിക്കാം. ഗ്രൂപ്പായി തിരിച്ച് അത്തരം പാട്ടുകള് പാടിക്കാം.
ഉദാ:- 1. ഇസ്രായേലിന് നാഥനായി വാഴുമേക....
2. ഇസ്രായേലിന് നായകാ...
3. കൂടുതല് ചോദ്യങ്ങള്
1. അബ്രാഹം ആദ്യം താമസിച്ചിരുന്ന സ്ഥലമേത്?
2. അബ്രാഹത്തിന്റെ ഭാര്യയുടെ പേരെന്ത്?
3. ആരെയാണ് ഇസ്രായേല്ക്കാര് എന്നു വിളിക്കുന്നത്?
4. യാക്കോബിന് എത്ര പുത്രന്മാര് ഉണ്ടായിരുന്നു?
യാക്കോബിന്റെ പന്ത്രണ്ടു പുത്രډാരില് ഒരാളായിരുന്നു ജോസഫ്.യാക്കോബിന് ഏറ്റവും ഇഷ്ടമുള്ള മകനായിരുന്നു അവന്. എന്നാല് അവന്റെ സഹോദരന്മാരില് ചിലര് അവനെ വെറുത്തു.അവര് അവനെ ഈജിപ്തുകാര്ക്ക് അടിമയായി വിറ്റു. എന്നാല് ദൈവം അവന്റെ കൂടെ ഉണ്ടായിരുന്നു.ദൈവപരിപാലനയാല് അവന് ഈജിപ്തിന്റെ അധിപനായി നിയമിതനായി.യാക്കോബിന്റെ മക്കള് താമസിച്ചിരുന്ന കാനാന് ദേശത്ത് വലിയ ക്ഷാമം ഉണ്ടായി. അവര് ഗോതമ്പുവാങ്ങുവാനായി ഈജിപ്തിലെ ഫറവോയുടെ അടുത്തെത്തി. ഭരണാധികാരിയായ ജോസഫ് തന്റെ സഹോദരന്മാരെ തിരിച്ചറിഞ്ഞു. അവന് അവരെ ഈജിപ്തില് കൊണ്ടുവന്ന് പാര്പ്പിച്ചു.അങ്ങനെ ഇസ്രായേല്ക്കാര് ഈജിപ്തില് വസിക്കാന് തുടങ്ങി.ജോസഫ് മരിച്ചുകഴിഞ്ഞപ്പോള് ഈജിപ്തുകാര് അവരെ അടിമകളാക്കി മാറ്റി. അവര് അവരെ പലതരത്തിലും പീഡിപ്പിച്ചു. ദൈവം മോശ എന്ന പ്രവാചകനെ തെരഞ്ഞെടുത്ത് അവനിലൂടെ ഈജിപ്തിലെ അടിമത്തത്തില്നിന്ന് അവരെ രക്ഷിച്ചു. അവയെല്ലാം ദൈവം നല്കിയ രക്ഷയുടെ വഴികളായിരുന്നു.പാപത്തിന് അടിമകളായിത്തീര്ന്ന മനുഷ്യരെ രക്ഷിക്കുവാനായിട്ടാണ്ദൈവം ഈ വഴികളെല്ലാം ഒരുക്കിയത്. മനുഷ്യരെ രക്ഷിക്കാനുള്ളദൈവത്തിന്റെ പദ്ധതിയില് ഒരു പ്രഥമസ്ഥാനംഇസ്രായേലിനുണ്ട്.എന്തെന്നാല് ഇസ്രായേല് വംശത്തില്നിന്നാണ് മനുഷ്യരക്ഷയ്ക്കായി ഈശോ ജനിച്ചത്.